भरत देवकोटाको अध्यक्षतामा बर्दिया सम्पर्क समिति दक्षिण कोरियाको नयाँ कार्यसमिति गठन भएको छ। मंगलबार सम्पन्न समितिको पाचौं अधिवेशन मार्फत देवकोटाको अध्यक्षतामा १३ सदस्यीय कार्यसमिति सर्वसम्मतिले चयन भएको हो।
गण्डकी प्रदेश समाज तथा गोर्खा परिवार दक्षिण कोरियाका सल्लाहकार खेमराज देवकोटाको प्रमुख अतीथ्यता एवं समाजका सल्लाहकार हेमन्त शाहको विशिष्ट आतिथ्यता र नेपाल पत्रकार महासंघ कोरिया शाखाका महासचिव बासुदेव भट्टको विशेष अतिथ्यतामा कोरियाको सुवन स्थित नमस्ते क्याफेमा अधिवेशन आयोजना गरिएको थियो।
नव गठित कार्यसमितिको अध्यक्षमा भरत देवकोटा, बरिष्ठ उपाध्यक्षमा रमेश हमाल ठकुरी, उपाध्यक्ष खुसिराम औधरी , कृपाराम रिजाल, भिम बढेका, महासचिव धनसिंह बिश्वकर्मा, सचिव सन्तोष चन्द, कोषाध्यक्ष नारायण वली, सदस्य देपेश शुक्ला, गौरव पौडेल, कमल खनाल, खगेन्द्र खनाल, सिदार्थ सोनी रहेका छन्। कार्यक्रमको सभापतित्व समाजका पूर्व अध्यक्ष गोविन्द शर्माले गरेका थिए।
साथै अधिवेशन मार्फत हेमन्त शाह, गोविन्द शर्मा र ललित बडुवाल कार्यसमितिको सल्लाहकारहरुमा चयन भएका छन्।
