पवन औजी/कंचनपुर: गायक शेरी औजीको ‘सुनौलो सन्सार’ बोलको देउडा गित सार्बजनिक भएको छ। रेखा जोशी र शेरी औजीको आवाज रहेको सुनौलो सन्सार बोलको गित आइतबार सम्झना म्युजिक फिल्मस बाट सार्बजनिक भएको हो।
रमेश धामी मायालु र सुदर्शन थापाको शब्द रहेको उक्त गितमा धामिकै लय समेत रहेको छ। कृष्ण बाजुरेलीको अरेन्जमा रहेको उक्त गितमा भोजराज जोशी र अनु खड्काले अभिनय गरेका छन। थापा कमल विवेकले निर्देशन गरेको उक्त गितमा सुदुरको विशेष गरि दार्चुलाका पर्यटकिय स्थल, माया प्रेमका बिषयमा केन्द्रित गरिएर भिडियो तयार पारिएको गायक शेरी औजीले जानकारी दिनु भयो। आफ्ना अरु गितलाई जस्तै यस गितलाई पनि सबैले माया गर्न गायक औजीले आग्रह समेत गरेका छन।
पछिल्लो समय एक पछि अर्को गर्दै गायक औजीले बजारमा चर्चित गित ल्याइ रहेका छन। उनका दार्चुलाका लम्बा रोड, बैतडी है धनगढी, ए दैब, मैना, मेरि माया सितलु छाया लगायतका दर्जनौ चर्चित गित हुन्।
