पवन औजी/कंचनपुर: हङकङमा भएको चारदेशीय टी–२० आई शृङ्खलामा नेपाल उपविजेतामा सिमीत रहदा उपाधि कुवेतले जितेको छ। आइतबार भएको फाइनलमा नेपाललाई ३ रनले हराउँदै कुवेतले उपाधि जितेको हो।
कुवेतले दिएको १७५ रनको लक्ष्य पछ्याएको नेपालले १९ ओभर ३ बलमा सबै विकेट गुमाउँदै १७१ रनमात्र बनाएको थियो।
नेपालका लागि बसिर अहमदले ४३ बलमा ८० रन बनाएका थिए भने नन्दन यादवले ३७ रन र आसिफ शेखले २१ रन बनाउदा अन्य कुनै पनि खेलाडीले दोहोरो अङ्कको रन जोड्न सकेनन्।
यस्तै कुवेतका लागि अनुदीप चेन्थमाराले सर्वाधिक ३ विकेट लिए। यासिन पटेल र नवीनराज राजेन्द्रनले २/२ विकेट हात पार्दा मोहम्मद शफीक र मोहम्मद असलमले पनि १/१ विकेट लिएका थिए।
कुवेतका लागि रविजा सन्दारुवानले अर्धशतकीय पारि खेलेका थिए।
यस्तै नेपालका लागि सोमपाल कामी र नन्दन यादवले २/२ विकेट लिँदा करण केसी र कुशल भुर्तेलले १/१ विकेट हात पारेका थिए।
