दक्षिण कोरियामा सक्रिय नेपालीद्वारा सञ्चालित सुदूरपश्चिम समाज दक्षिण कोरियाले विद्युतीय कारोबारमा हुने ठगी रोकथाम बारे सचेतता गराउन सनिवार अन्तरक्रिया कार्यक्रमको आयोजना गर्ने भएको छ।
बुधबार सुदुरपश्चिम् समाज कोरियाले सूचना जारी गर्दै विद्युतीय कारोबार अन्तर्गत बित्तीय तथा बैंकिङ ठगी रोकथाम सम्बन्धि सचेतताका लागि अन्तरक्रिया कार्यक्रमको आयोजना गर्न लागेको जनाएको हो। समाजले आउँदो अप्रिल ६ मा साँझ ७ बजे भर्चुअल माध्यम ‘जुम’ बाट कार्यक्रमको आयोजना गर्दैछ।
कार्यक्रममा अन्तरक्रियाका लागि ग्लोबल आईयामई बैंक कोरिया शाखाका प्रमुख ईश्वर धामीलाई निमन्त्रणा गरिएको आयोजकले जनाएको छ। कार्यक्रममा बैंकिङ कसुर तथा सजाय र सुरक्षित बैंकिङ तथा रेमिट्यान्स सम्बन्धित लगायत अन्य विद्युतीय कारोबार सम्बन्धि विविध पक्षमा अन्तरक्रिया हुने आयोजकले नयाँ अपडेटलाई जनाएको छ।
आयोजकले कार्यक्रममा सहभागी हुन कोरिया स्थित नेपाली नागरिकहरुमा अपिल गरेको छ। जसका लागि ‘जुम’ मार्फत कार्यक्रममा जोडिन आइडी तथा पासवर्ड सार्वजनिक गरिएको छ।
