धिरेन्द्र भट्ट। चैत ८
इन्डियन प्रिमियर लिग(आईपिएल) टिम चेन्नई सुपर किङ्सको कप्तानीबाट महेन्द्र सिंह धोनीले राजिनामा दिएका छन्। बिहिवार टिम कप्तानहरु सँग आईपिएल ट्रफी प्रदर्सन कार्यक्रममा चेन्नईको तर्फबाट रुतुराज गायकवाड उपस्थित भएका थिए।
गत मार्च ४ मा धोनिले इन्स्टाग्रा पोस्ट मार्फत नयाँ सिजनमा नयाँ भुमिकाका साथ आउने उद्घोष गरेका थिए। उनले लेखेका थिए, ‘नयाँ सिजन र नयाँ ‘भूमिका’ को लागि पर्खिन सक्दिन। सम्पर्कमा रहनुहोस्।’
उनको उक्त स्टाटस र आजको कार्यक्रममा उनको अनुपस्थितले चेन्नईको धोनीले कप्तानीबाट राजीनामा गरेको संकेत देखाएको छ। यस्तै नयाँ सिजन सुरुहुन अगाडि नै उनले २०२४ को आइपिएल संस्करण उनको अन्तिम हुने संकेत गरिसकेका छन्। धोनी सन् २००८ को आइपिएलको पहिलो संस्करणबाट चेन्नईको कप्तानी सम्हाल्दै आएका थिए।
आईपिएलको १७औं संस्करण भोलिबाट सुरु हुदैछ। उद्घाटन खेलमा घरेलु मैदान चेन्नैइले रोयल च्यालेन्जर्स ब्याङ्गलुरुको सामना गर्दैछ।
