Naya Update

विदेशी पर्यटकहरूको भावना समेटिएको पुस्तक, visitor views of Nepal विमोचन

Advertisement

कार्तिक १८, काठमाडौँ । काठमाडौँ–१६, नयाँबजार स्थित ज्ञानशाला अनुसन्धान केन्द्रको आयोजनामा विदेशी पर्यटकहरूको भावना समेटेको पुस्तक, visitor views of Nepal  विमोचन गरिएको छ । कार्यक्रममा विभिन्न पर्यटन व्यवसायी, सामाजिक तथा राजनीतिक व्यक्तित्वहरूको उल्लेखनीय उपस्थिति रहेको थियो । पर्यटक व्यवसायी नवराज दाहाल, माओवादी नेता लेखनाथ न्यौपाने, प्राज्ञ डा.कौशिला रिसाल, पत्रकार सुकदेव दाहाल र अधिवक्ता विमल पोख्रेलले संयुक्त रूपमा पुस्तकको विमोचन गरेका थिए । पुस्तकको लेखक द्वय, डा.चूडा ढकाल र ईश्वरीप्रसाद ढकाल हुन् ।

विमोचन कार्यक्रममा कसले के भने ? 

डा.चूडा ढकाल(लेखक)

आजभन्दा १९ वर्ष पहिले देखि किताब लेख्न सुरु गरिएको हो । यो किताबलाई यहाँसम्म पुर्‍याउन धेरै सङ्घर्ष गर्नुपर्‍यो ।  ४४ वटा विभिन्न देशका ३०० जना पर्यटकहरूले हाम्रो देशको सौन्दर्य, संस्कृति, हिमाल, पहाड, दुःख, सुखको बारेमा उनीहरूसँग अन्तर्वार्ता लिएर  यो किताब तयार पारिएको हो । यो पुस्तकमा पर्यटकहरूको आँखाबाट हाम्रो देशको पर्यटन र समग्र संस्कृतिलाई उजागर गरिएको छ ।

भाइ ईश्वरी ढकालले सौराहामा सानो पसल चलाई राख्दा संयोगवश आइपुगेका पर्यटकहरूसँग सामान्य कुरा गर्दै विभिन्न तथ्यहरू सङ्कलन गर्दै गए । त्यसरी तथ्याङ्कहरू सङ्कलन गर्दै जाँदा मैले पनि विभिन्न सुझावहरू दिँदै गए । त्यसरी प्राप्त धेरै डाटाहरूको सार निकाल्दै तथा त्यसलाई व्यवस्थित गर्दै यो किताबको स्वरूप तयार हुन गयो । त्यसको लागि विदेशी पर्यटनहरूसँग हजारौँ इमेलहरू गरियो ।

यो किताबमा नौ वटा उपशीर्षकहरू छन् । परिचय, नेपाल कस्तो देश हो ? नेपाल किन आयौ ? नेपाल आउँदा उनीहरूको धारणा के हो ? नेपाल आएपछि उनीहरूले के पाए  ? नेपालीहरू किन विदेश पलायन हुन्छन् ? नेपाल हेरेपछि उनीहरूले आफ्नो देशसँग कसरी तुलना गर्छन् ? खुसी के हो ? लगायतका उपशीर्षकहरू यो पुस्तकमा छन् ।

नवराज दाहाल(पर्यटन व्यवसायी)

नेपालमा पर्यटन व्यवसायको राम्रो सम्भावना छ । यो पुस्तकले नेपालको पर्यटन प्रवर्द्धन गर्न ठुलो सहयोग गर्दछ । पर्यटन व्यवसायीहरूले यो पुस्तकलाई आफ्नो सम्पत्तिको रूपमा ग्रहण गर्नुपर्दछ । पुस्तक तयार भएर मात्र पुग्दैन । यो पुस्तकलाई विभिन्न अन्तर्राष्ट्रिय पर्यटन मेलाहरूसम्म पनि पुर्‍याउनु पर्दछ । यो पुस्तकलाई पर्यटन बोर्डले सम्बन्धित स्थानहरूमा विशेष गरेर विदेशी पर्यटकहरूको बिचमा पुराउनुपर्दछ ।

नेपालमा पर्यटनलाई प्रवर्द्धन गर्न विशेष पहल गरिनुपर्दछ । पर्यटन विकासको लागि पूर्वाधार विकासलाई विशेष प्राथमिकता दिनुपर्दछ । बाटो, एयरपोर्ट तथा बसपार्कलाई व्यवस्थित गरिनुपर्दछ ।

पर्यटनसम्बन्धी राज्यको नीति राम्रो छैन, राम्रो बनाउनुपर्दछ । एक द्वार नीतिका आधारमा पर्यटनहरूसँग शुल्क उठाइनुपर्दछ । उनीहरूसँग जहाँ पनि अनावश्यक शुल्क उठाइनु हुँदैन । पर्यटन विश्वविद्यालय जस्ता पूर्वाधारको विकास गरेर व्यापक रूपमा जनशक्तिको निर्माण गरिनुपर्दछ ।

हिमनदीहरू पग्लँदै गएको छन् । त्यसलाई कम गर्न पनि राज्यको तर्फबाट विशेष पहल गरिनुपर्दछ । यो पनि पर्यटन प्रवर्द्धनको महत्त्वपूर्ण आधार हो ।

लेखनाथ न्यौपाने(माओवादी केन्द्रका नेता)

लेख्नु एकदम गाह्रो विषय हो । तथ्याङ्कहरू अलि नयाँ हुनुपर्दथ्यो । चिनेको लेखकको किताब पढ्दा बेग्लै ऊर्जा आउँछ । लेखनको बिषयबस्तुसँग उसको जीवन, दैनिकी र व्यवहार अनुकूल हुनुपर्दछ । यो नै महत्त्वपूर्ण विषय हो । विषयवस्तुको विश्लेषण गरेर छोडिदिने तर त्यो अनुकूलको व्यवहार भएन भने त्यो लेखनको कुनै औचित्य हुँदैन । फेरि पनि पर्यटन प्रवर्द्धन, बेग्लै विषय हो । यो पुस्तकले विशेष महत्त्व राख्दछ ।

विमल पोख्रेल (अधिवक्ता)

पर्यटकहरू समस्यामा पर्दा कानुनीरुपमा विशेष सुविधा हुनुपर्दछ । उनीहरूको सुरक्षाको विषयलाई लिएर सरल प्रकारको कानुनी व्यवस्था गरिनुपर्दछ ।

पर्यटनले घुमाई मात्र होइन, यसले जीवन व्यवहार सिकाउँछ । पर्यटनको लागि पोखरामा मात्र सीमित नगरेर रारा तथा सुदूरपश्चिम तर्फ लग्न सकियो भने अझ राम्रो आमदानी गर्न सकिन्छ ।

नेपालीहरू विदेश गएर गर्ने खर्च, विदेशी पर्यटक नेपाल आएर गर्ने खर्च भन्दा धेरै छ । यो चुनौतीको विषय हो । यो तथ्याङ्कलाई परिवर्तन गर्नुपर्दछ । किताबको प्रचार कलाले पनि पर्यटन प्रवर्द्धनलाई विशेष सहयोग गर्दछ ।

ज्ञानशाला अनुसन्धान केन्द्रका समीर सिंहले सहजीकरण गरेको विमोचन कार्यक्रममा उमा अम्गाई, सुरेश अधिकारी समेतले पुस्तकको सम्बन्धमा आ–आफ्नो धारणा राखेका थिए । पुस्तकका केही अंशहरू अविरल ढकाल र अपेक्षा ढकालले वाचन गरेका थिए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

प्रतिक्रिया दिनुहोस

Array

छुटाउनुभयो कि ?

कतारसँग विभिन्न विषयका समझदारीपत्रहरू स्वीकृत गर्ने सरकारको तयारी

कतारसँग विभिन्न विषयका समझदारीपत्रहरू स्वीकृत गर्ने सरकारको तयारी

सरकारको तयारी सरकारले कतारसँग हुने विभिन्न विषयका समझदारीपत्रहरू स्वीकृत गर्ने निर्णय गरेको छ। सोमबार मन्त्रिपरिषद्का निर्णय स...
२५६८औं बुद्ध जयन्तीको अवसरमा कोरियामा भब्य कार्यक्रमको तयारी

२५६८औं बुद्ध जयन्तीको अवसरमा कोरियामा भब्य कार्यक्रमको तयारी

दक्षिण कोरियामा २५६८औं बुद्ध जयन्तीको अवसरमा आगामी मे ११ तारिख(बैशाख २९) मा 'लोटस लालटेन परेड' नामक कार्यक्रमको आयोजना हुने भए...
एसिसी प्रमियर कपमा नेपाल आज मलेसिया विरुद्ध मैदानमा उत्रदै

एसिसी प्रमियर कपमा नेपाल आज मलेसिया विरुद्ध मैदानमा उत्रदै

ओमानमा आजदेखि सुरू हुन लागेको एसिसी प्रिमियर कममा नेपालले आज मलेसियासँग खेल्दैछ। प्रतियोगिताको समूह ‘ए’मा रहेको नेपालले पहिलो खेल ...
सुदूरपश्चिममा १५ लाख पाठ्यपुस्तक बिक्री

सुदूरपश्चिममा १५ लाख पाठ्यपुस्तक बिक्री

जनक शिक्षा सामग्री केन्द्र लिमिटेड प्रादेशिक कार्यालय धनगढीले हालसम्म सुदूरपश्चिममा १५ लाख ११ हजार थान पाठ्यपुस्तक बिक्री वितरण गर...
Home
ताजा अपडेट
ट्रेन्डिङ
Search