महेन्द्रनगर। चैत्र २
कञ्चनपुरको भीमदत्त नगरपालिका वडा नं. १५ गोबरिया जन्मेकि ममता चन्दले अाफ्नाे जन्मोत्सवको अवसरमा बृद्धाश्रममा खाद्यान्न तथा फलफुल वितरण गरेकी छन्।
भीमदत्त नगरपालिका १५ जन्मेकी ममता चन्द हाल अध्ययनको सिलसिलामा अस्ट्रेलिया रहेकी छन्। अष्ट्रेलियामा जन्मोत्सव मनाए पनि स्वदेशमा रहेको बृद्धाश्रममा फलफूल,मिठाई साथ अाफन्त मार्फत खाद्यान्न उपलब्ध गराएको चन्दले बताउनुभयो।
बेल्डाँडी गाउँपालिका वडा नम्बर १ का चक्र बहादुर शाह संग विवाह गरेकी चन्द हाल अस्ट्रेलियामा अध्ययन गरिरहेकी छन्। दुबै जना अस्ट्रेलियामा रहेका छन्। सामाजिक सद्भाव संगै सामाजिक कार्यका लागि बृद्धाश्रममा जन्मोत्सवको अवसरमा खाद्यान्न साथ मिठाई ,फलफुल वितरण गरेको उनका श्रीमान चक्र बहादुर शाहले बताए।
उनका अनुसार बेदकोट नगरपालिका ८ रौटेला स्थित बैजनाथ धाम जेष्ठ नागरिक सेवा केन्द्र बृद्ध आश्रमका जेष्ठ नागरिकलाई खाद्यान्न संगै फलफुल वितरण गरिएको छ । जसमा फलफुल, मिठाई ५ के.जि र खाद्यान्नमा चामल २ कट्टा, १० लिटर खाने तेल, ५ के.जि दाल नुन, २ पेटि चाउचाउ लगायत खाद्यान्न सामग्री सहयोग गरेको हो।
आफू विदेशमा अध्ययनको सिलसिलामा भएपनि स्वदेशमा रहेका बृद्ध आमा बुबा लाई अप्रत्यक्ष रुपमा सहयोग गर्न पाउदा आफू हर्षित भएकी चन्दले बताईन्। उनले भनिन्, ‘आगामी दिनमा यसरी सामाजिक कार्यमा सधै सहयोग गर्ने छु।’
