दक्षिण कोरियामा अध्ययनरन नेपाली विद्यार्थीहरूले चितवन स्थित एक विद्यालयका विद्यार्थीहरूलाई गएको सोमबार गाजाबाट बनेका झोला वितरण गरेका छन्। 
कोरियामा रहेका नेपाली विद्यार्थीहरूको साझा संस्था नेपाली विद्यार्थी समाज दक्षिण कोरिया(सोनसिक) ले चितवनको राप्ती नगरपालिका वडा नं-८ स्थित बहिरा आधारभुत विद्यालयमा अध्ययनरत ७० जना विद्यार्थीहरूलाई सोनसिक (सोनसिक) छात्रवृत्ति कार्यक्रम अन्तर्गत गत १७ गते सहयोग गरेको हो।
सोनसिक छात्रवृत्ति कार्यक्रमका लागि सेन्टवी नामक रेमिटान्सले गत मार्च महिनामा नेपालमा पैसा पठाउदा लाग्ने हरेक रेमिट्यान्स सेवा शुल्कबाट ५०० कोरियन वन (लगभग रू ५०) का दरले जम्मा गरेर सहयोग रकम उपलब्ध गराएको थियो ।
छात्रवृत्ति वितरणका लागि भने नेपाली मिस इन्टरनेसनल सिता सुवेदीले समन्वयकारी भूमिका निर्वाह गर्नुका साथै झोलामा राख्ने शैक्षिक सामग्री कपी र कलमका लागि थप सहयोग उपलब्ध गराएकी थिइन्।
त्यस्तै गरि सोनसिक(सोनसिक)को सहयोगमा डे केयर चितवनको लागि बैशाख १८ गते वौद्दिक अपाङ्गता भएका बालबालिकाका लागि पनि हेम्पबाट उत्पादित शैक्षिक ब्याग वितरण गरिएको थियो।
