इपिएस भाषा उत्तीर्ण गरि कोरियामा रहेका श्रमिकहरुको न्युनतम तलब निर्धारण भएको छ। न्युनतम तलब निर्धारण समितिको शुक्रबार बसेको ११औं बैठकले आगामी बर्ष सन् २०२५ का लागि न्युनतम तलब निर्धारण गरेको हो।
कोरियामा सन् २०२५ को सबै श्रमिकको न्युनतम तलब प्रति घण्टा १० हजार ३० वोन निर्धारण भएको छ। यो तलब पछिल्लो बर्ष सन् २०२४ को लागि निर्धारण भएको तुलनामा १ सय ७० वोन (१.७%) ले बृद्दी भएको हो। यो निर्णय आगामी जनवरी १ बाट लागु हुनेगरी महिनामा २ सय ९ घण्टा काम गर्ने प्रवासी श्रमिक लगायत अन्य श्रमिकले न्युनतम तलब २० लाख ९६ हजार २ सय ७० वोन पाउनेछन।
ज्याला निर्धारण समितिको बैठकमा रोजगारदाता पक्षले प्रस्ताव गरेको १० हजार ३० वन प्रतिघण्टाको पक्षमा १४ मत र श्रमिक युनियनले प्रस्ताव गरेको १० हजार १ सय २० वन प्रती घण्टाको पक्षमा ९ मत मात्र खसेको थियो। बैठकमा कोरियाली ट्रेड युनियन महासंघ(केसिटियु) का ४ जना सदस्यले कम ज्याला वृद्धि र प्रक्रियाको विरोध गर्दै मतदान र सहभागिता जनाएका थिएनन्।
