दक्षिण कोरियामा ‘सेभेन ए साइड फुटबल प्रतियोगिता’ आयोजना हुने भएको छ। नाम्जी एफ.सी. कोरियाको आयोजनामा पहिलो संस्करणको ‘सेभेन ए साइड फुटबल प्रतियोगिता’ आगामी अप्रिल १३ देखि चिल्सेवो स्पोर्ट्स पार्कमा आयोजना हुने लागेको हो।
प्रतियोगिताको स्लोगन “स्वस्थ रहन जीवनमा खेलकुद” रहेको छ। आयोजकले प्रतियोगितामा सहभागी भएर आफ्नो टिमको उत्कृष्ट प्रदर्शन देखाउन अपिल गरेको छ। 
आयोजकले प्रतियोगितामा टिम दर्ताको लागि ३ लाख ५० हजार कोरियन वन(३३ हजार ५ सय ५८ नेपाली रुपैयाँ) शुल्क तय गरेको छ। टिम दर्ताको लागि अन्तिम म्याद अप्रिल ५ सम्मको लागि छुट्याइएको छ।
प्रतियोगिताको विजेता टिमले ४० लाख कोरियन वन(३ लाख ८३ हजार ५ सय २७ नेपाली रुपैयाँ), उपविजेता टिमले २५ लाख कोरियन वन(२ लाख ३९ हजार ७ सय ४) रुपैयाँ र सेमिफाइनलिस्ट टिमहरुले ५ लाख कोरियन वन(४७ हजार ९ सय ४९) नेपाली रुपैयाँ प्राप्त गर्नेछन्। प्रतियोगिताका अन्य विधाका उत्कृष्ट खेलाडिहरुलाई पनि पुरस्कार रकम दिने आयोजकले घोषणा गरेको छ।
प्रतियोगिताको उत्कृष्ट खेलाडी, उत्कृष्ट गोलकिपर, उत्कृष्ट डिफेन्डर, उत्कृष्ट गोलकर्ता र अनुशासित टिमले १/१ लाख कोरियन वम(९ हजार ५ सय ८८) नेपाली रुपैयाँका दरले पुरस्कार प्राप्त गर्नेछन्। आयोजकले अधिक जानकारीका लागि आधिकारिक व्यक्तिहरुको सम्पर्क नम्बर जारी गरेको छ।
सम्पर्क नम्बर:-
०१०-४१४८-२६६०, ०१०-४८८३-९१०४, ०१०-२२६३-९७४१, ०१०-९७६२-३१३६
कार्यक्रमको बारेमा :
📅 मिति: अप्रिल १३, २०२५
⏰ समय: बिहान ८ बजे
📍 स्थान: 경남 함안군 칠서면 대치리 281 (칠서체육공원)
