कंचनपुरको शुक्लाफाँटा नगरपालिका ४ आशापुरमा पोखरीमा डुबेर १३ वर्षीय बालिकाको मृत्यु भएको छ। बुधबार दिउँसो नुहाउने क्रममा घर नजिकैको पोखरीमा डुबेर उक्त बालिकाको मृत्यु भएको हो।
१३ वर्षीया बिपना चुनारा साथीसँग नुहाउन पोखरीमा गएकी थिइन्। माछापोखरीमा नुहाउने क्रममा साथीसँगै पौडिन नसकेपछि डुबेकी बिपनाको मृत्यु भएको छ । सँगै डुबेकी साथी जीविका चुनाराको स्थानीय झलारी अस्पतालमा उपचार भइरहेको छ।
इलाका प्रहरी कार्यालय झलारीका प्रहरी निरीक्षक वीरबहादुर बुढाऐरका अनुसार स्थानीय माछापोखरीमा नुहाउन गएका एकजनाको मृत्यु र एकजनाको स्थानीय अस्पतालमा उपचार भइरहेको बताएका छन्।
