इजरायलले गाजाको मानवबस्तीमा गरेको हवाई आक्रमणमा परी महिला र बालबालिकासहित १९ जनाको मृत्यु भएको छ। त्यहाँको नागरिक सुरक्षा विभागका अनुसार एकै घरका ११ सहित १९ जनाको मृत्यु भएको हो।
उत्तरपश्चिमी गाजा सहरमा दार अल-अर्काम विद्यालय नजिकै मानिसको भीडमा हवाई आक्रमण हुँदा पाँच जनाको मृत्यु भएको बताइएको छ।
प्रत्यक्षदर्शीका अनुसार दशौँ हजार विस्थापित प्यालेस्टिनीहरूले शरण लिएको दक्षिणी खान युनिस प्रान्तको अल–मवासी क्षेत्रमा भएको आक्रमणमा तीन जनाको मृत्यु भएको छ।
