विनोद चौधरीका भाई अरुण सिआईबीको टोलिद्वारा पक्राउ 

उद्योगपति बिनोद चौधरीका भाइ अरुण चौधरी पक्राउ परेका छन्। बिहिवार केन्द्रिय अपराध अनुसार ब्युरो(सिआईबी) ले उनलाई काठमाडौको लैनचौरबाट पक्राउ गरेको हो। सिआईबीले अरुण सँगै अजितनारायण सिंह थापालाई पनि पक्राउ गरेको छ। ब्यापारी अरूण र थापालाई प्रहरीले बिहीबार दिउँसो पक्राउ गरेको हो। उनीहरूले वि.सं. २०४२ सालदेखि सरकारी जग्गालाई आफ्नो नाममा बनाउने काम सुरू गरेको आरोप छ। सिआइबी प्रमुख एआइजी किरण बज्राचार्यले उनीहरूलाई पक्राउ गरिएको जानकारी दिइन्। बाँसबारी छालाजुत्ता कारखानाको १० रोपनी जग्गा ठगी गरेको उनीहरूमाथि आरोप छ। उनीहरूले भटाभट सरकारी जग्गा विभिन्न मितिमा आफ्नो नाममा बनाएको देखिन्छ। यसबारे मन्त्रिपरिषदले कुनै पनि निर्णय गरेको पाइएन,’ स्रोतले भन्यो, ‘सबै मिलेमतोमा आफ्नो नाममा गरेको देखिन्छ। अहिले…

धिरेन्द्र भट्ट। माघ १६ कंचनपुरको महेन्द्रनगर/भीमदत्तनगर स्थित खुलामञ्चमा जारी तेस्रो मुख्यमन्त्री राष्ट्रिय भलिबल कप प्रतियोगितामा दर्शकहरुलाई लगाइएको प्रवेश शुल्क लगाएत व्यवस्थापनको विषयलाई लिएर विरोध सतहमा आएको छ। आइतबार माघ १४ बाट २० गतेसम्म जारी रहने प्रतियोगिताको उद्घाटन नेपाल सरकारका परराष्ट्रमन्त्री एन.पी साउँदले गरे। प्रतियोगितामा सात प्रदेशका ७ टिम र ३ विभागीय टिम गरि १० टिमको सहभागिता रहेको छ। जारी तेस्रो मुख्यमन्त्री राष्ट्रिय भलिबल प्रतियोगिता संचालनका लागि प्रदेश सरकारले ८० लाख रकम बिनियोजन गरेको छ। तर, सरकारी बजेटमा संचालन भइरहेको प्रतियोगितामा दर्शकहरुबाट टिकट रकम असुलेकोमा क्रान्तिकारी युवा संगठन सुदुरपश्चिम् समितिले विरोध जनाएको छ। क्रान्तिकारी युवा संगठनले मंगलबार महेन्द्रनगरमा पत्रकार सम्मेलन गर्दै…

सेन्ट-वी रेमिट्यान्सले नेपालमा भुकम्प पीडितहरुका लागि आर्थिक रकम सहयोग गरेको छ। आइतबार सेन्ट-वी रेमिट्यान्सले सिओल स्थित नेपाली दूतावास मार्फत सहयोग उपलब्ध गराएको जनाएको हो।   दक्षिण कोरियामा भरपर्दो रेमिट्यान्सको विश्वास बटुलेको सेन्ट-वी रेमिटेन्सले गतबर्षको डिसेम्बरमा डिसेम्बर लक्षित स्किम सार्वजनिक गरेको थियो। जसमा विभिन्न आकर्षक उपहार सहित बम्पर उपहारमा बुलेट मोटर बाइक घोषणा गरेको थियो। सेन्ट-वी ले उक्त मोटरबाइकको बिजेतालाई मोटरसाइकल उपलब्ध गराएको छ।  

रोजगार अनुमति प्रणाली (ईपीएस) मार्फत भाषा परीक्षा पास गरेर नेपालीहरू दक्षिण कोरिया जान्छन् । सन् २००८ देखि कोरियाले कोरियन भाषा परीक्षा मार्फत नेपालीहरूलाई कामका लागि लग्दै आएको छ । पछिल्लो समय कोरिया नेपाली श्रमिकहरूको प्रमुख रोजाइमा पर्दै आएको छ । त्यसका लागि नेपालमा भाषा परीक्षाको कक्षा सिक्छन् । भाषा परीक्षा सिकेर भाषा परीक्षा दिएर पास भएको खण्डमा नेपालीहरू कोरियामा रोजगारीका लागि जान पाउँछन् । यो क्रम विगत १६ वर्षदेखि निरन्तर चलिरहेको छ । कोरोना महामारीको समयमा रोकिएको थियो । त्यो बाहेक भने हरेक वर्ष कोरियाले नेपालसहित विभिन्न १६ देशबाट श्रमिकहरू लगिरहेको छ । नेपालबाट हालसम्म १ लाख १० हजारभन्दा बढी…

दक्षिण कोरियामा रहेको सुदूरपश्चिमेलीहरुको साझा संस्था सुदुरपश्चिम् समाज दक्षिण कोरियाले कोरियन नववर्षको अवसर पारी एक कार्यक्रम आयोजना गर्ने भएको छ। सुदूरपश्चिम समाज कोरियाले कोरियाको नववर्ष सालनालको अवसर पारी फेब्रुअरी ९ तारिखमा कार्यक्रम आयोजना गर्न लागेको हो। कार्यक्रममा सुदुरपश्चिमका प्रतिभावान कलाकार सहित साहित्यकार तथा देउडा खेलका मनोरञ्जनात्मक कार्यक्रम रहेको आयोजक समाजले बताएको छ। त्यसैबिच सुदुरपश्चिम् समाज कोरियाको विधान अधिवेशन पनि हुने आयोजक समाजले जनाएको छ सुदूरपश्चिम समाजले संस्थालाई थप उन्नत, सेवामुखी, अग्रमुखी र अझै दरिलो बनाउनको निमित्त पनि कार्यक्रम आयोजना गर्न लागेको बताएको छ। उक्त कार्यक्रम दिउँसो १२:३० बजे राजधानी सौलमा आयोजना हुने आयोजले जनाएको छ।