च्याम्पियन्स ट्रफी सेमिफाइनलमा आज भारत र अष्ट्रेलिया भिड्दै

आईसीसी च्याम्पियन्स ट्रफीको पहिलो सेमिफाइनलमा आज भारत र अष्ट्रेलिया खेल्दैछन्। दुबई अन्तर्राष्ट्रिय क्रिकेट स्टेडियममा हुने खेल नेपाली समयअनुसार दिउँसो पौने ३ बजे शुरू हुनेछ। सेमिफाइनलमा अष्ट्रेलियाविरुद्ध मैदानमा भारत दबाबमा रहने अनुमान रहेको छ। आईसीसी ईभेन्ट्सका नकआउट खेलहरुमा भारत विरुद्ध अस्ट्रेलियाको पल्ला भारी रहेको छ। अघिल्लो एकदिवसीय विश्वकप फाइनलमा अस्ट्रेलियाले भारतलाई स्तब्ध पार्दै उपाधी जितेको थियो। त्यसअघिको २०२३ मै वर्ल्ड टेस्ट च्याम्पियनसीपको फाइनलमा भारतलाई हराउँदै अष्ट्रेलियाले उपाधी जितेको थियो। फाइनल पुग्न अर्को सेमिफाइनलमा भोलि न्युजिल्यान्ड र दक्षिण अफ्रीकाले पाकिस्तानको लाहोरमा खेल्दैछन्। च्याम्पियन्स ट्रफीको फाइनल खेल मार्च ९ मा हुने छ। यो खेल भारत फाइनल नपुगे पाकिस्तानमा र पुगेमा दुबईमै हुनेछ।

कञ्चनपुरमा अवैध लागूऔषध खैरो हेरोइनसहित २ जना पक्राउ परेका छन्। पुनर्वास नगरपालिका–१० बिकाशबस्तीको नेपाल-भारत सिमानाकाबाट म २ प ८३० नम्बरको मोटरसाइकललाई चेकजाँच गर्दा १३ ग्राम ८९० मिलिग्राम सहित दुई जना युवक पक्राउ परेका हुन्। पक्राउ पर्नेमा कृष्णपुर नगरपालिका–७ बस्ने २२ वर्षीय सुरज राना र सोही नगरपालिका–८ बस्ने २२ वर्षीय महेश राना रहेका छन्। दुवैलाई पक्राउ गरि थप अनुसन्धान जारी रहेको जिल्ला प्रहरी कार्यालय कंचनपुरले जनाएको छ।

सिराहामा एक जना प्रहरी जवान पक्राउ परेका छन्। इलाका प्रहरी कार्यालय लहानको मुद्दा शाखामा कार्यरत प्रहरी जवान नवीन यादव बलात्कार आरोपमा पक्राउ परेका हुन्। उनलाई फागुन १५ गते पक्राउ गरेको जिल्ला प्रहरी कार्यालय प्रवक्ता डिएसपी वीरेन्द्र पासवानले जानकारी दिए। महिलाले बलात्कार मुद्दामा उजुरी दिएपछि यादवलाई नियन्त्रणमा लिएका हौं, डिएसपी पासवानले भने, विवाह गर्ने सर्तमा यौनसम्बन्ध राखेको र विवाह नगरेकोले बलात्कार आरोपमा उजुरी दर्ता भएको छ। उनलाई जिल्ला अदालतबाट चार दिनको म्याद थप गरेर अनुसन्धान भइरहेको छ।

दक्षिण कोरियामा 'सेभेन ए साइड फुटबल प्रतियोगिता' आयोजना हुने भएको छ। नाम्जी एफ.सी. कोरियाको आयोजनामा पहिलो संस्करणको 'सेभेन ए साइड फुटबल प्रतियोगिता' आगामी अप्रिल १३ देखि चिल्सेवो स्पोर्ट्स पार्कमा आयोजना हुने लागेको हो। प्रतियोगिताको स्लोगन "स्वस्थ रहन जीवनमा खेलकुद" रहेको छ। आयोजकले प्रतियोगितामा सहभागी भएर आफ्नो टिमको उत्कृष्ट प्रदर्शन देखाउन अपिल गरेको छ। आयोजकले प्रतियोगितामा टिम दर्ताको लागि ३ लाख ५० हजार कोरियन वन(३३ हजार ५ सय ५८ नेपाली रुपैयाँ) शुल्क तय गरेको छ। टिम दर्ताको लागि अन्तिम म्याद अप्रिल ५ सम्मको लागि छुट्याइएको छ। प्रतियोगिताको विजेता टिमले ४० लाख कोरियन वन(३ लाख ८३ हजार ५ सय २७ नेपाली रुपैयाँ),…

नेपाल पत्रकार महासंघ दक्षिण कोरिया शाखाद्वारा आयोजना हुनगइरहेको साधारणसभा तथा नेपाली श्रमिकको अवस्था र पत्रकार महासंघको भुमिका बिषयक अन्तरक्रिया कार्यक्रमको तयारी पुरा भएको छ। आईतबार संस्थाका उपाध्यक्ष केशव पोखरेलले कार्यक्रमको ब्यबस्थापन लगायत सम्पूर्ण तयारी पुरा भईसकेको नयाँ अपडेट सँगको कुराकानीमा बताए।   सन् २००७ मा स्थापना भएको नेपाल पत्रकार महासंघको दक्षिण कोरिया शाखाले पत्रकारिता क्षेत्रसँग सम्बन्धित तथा अन्य समाजिक विषयहरुमा बैठक, भेला, सभा, सम्मेलन, गोष्ठि, अन्तरक्रिया, प्रशिक्षण लगायतका विभिन्न रचनात्मक गतिविधिहरु सञ्चालन गर्दै आइरहेको छ।   कार्यक्रमको उदघाटनका लागि नेपाल लगायत विश्वभर छरिएर रहेका नेपाली पत्रकारहरुको साझा संस्था नेपाल पत्रकार महासंघको केन्द्रीय प्रतिनिधि, दक्षिण कोरियाका लागि नेपाली राजदुतावासका श्रम काउन्सेलर…

नेपालको पहिलो महिला न्यायाधीश शारदा श्रेष्ठको निधन भएको छ। ८४ वर्षिया श्रेष्ठको आज बिहान उपचारको क्रममा महराजगन्जस्थित प्रहरी अस्पतालमा निधन भएको हो। सर्वोच्च अदालतका सूचना अधिकारी निराजन पाण्डेका अनुसार श्रेष्ठको उपचारका क्रममा आज (शुक्रबार) बिहान ५ बजे मृत्यु भएको हो। शारदा नेपालको पहिलो महिला न्यायाधशि तथा सर्वोच्च अदालत पुग्ने दोस्रो महिला न्याायधीश हुन्। २०६१ साल वैशाखमा सर्वोच्च प्रवेश गरेकी शारदा ०६५ जेठमा सर्वोच्चबाट बिदा भएकी थिईन्। सर्वोच्च पुग्नुअघि उनी उच्च् अदालत राजविराजमा कार्यरात थिईन् । उनको आजै साँझ अन्त्येष्टि गरिन स्रोतले जनाएको छ।

नेपाली सेनाले विभिन्न कार्यक्रम गरी २६२ औं सेना दिवस मनाएको छ। सेना दिवसको अवसरमा बुधबार सेनाले सैनिक मञ्च टुँडिखेलमा विशेष समारोहको आयोजना गरेको थियो। समारोहको प्रमुख अतिथिका रुपमा राष्ट्रपति रामचन्द्र पौडेल सहभागी थिए। समारोहमा उपराष्ट्रपति रामसहाय प्रसाद यादव, प्रधानमन्त्री केपी शर्मा ओलीलगायत उच्च पदस्थहरूको उपस्थिति रहेको थियो। सो अवसरमा सैनिक मञ्चमा परेड, तोप बढाइ, कवाजलगायत विविध सांस्कृति कार्यक्रम प्रस्तुत गरिएको थियो। नेपाली सेनाले २०४७ सालदेखि महाशिवरात्रिको दिनलाई सेना दिवसका रूपमा मनाउँदै आएको छ । शास्त्रीय मान्यताअनुसार शिवलाई शान्ति र सुरक्षाको प्रतीकका रूपमा लिइन्छ। सो अवसरमा नेपाली सेनाको हेलिकोप्टरले पुष्पवृष्टि गर्नाका साथै सेनाले राइफल र तोपबाट महाशिवरात्रि बढाइँ गरेको थियो। सैनिक…

सुदूरपश्चिम विश्वविद्यालयले स्वतन्त्र विद्यार्थी युनियन(स्ववियु) को निर्वाचन आगामी चैत २७ मा हुनेगरी टुंगो लगाएको छ। विश्वविद्यालय कार्यकारी परिषदको फाल्गुन ११ गते बसेको बैठकबाट स्ववियु निर्वाचनको मिति टुंगो लागेको रजिस्ट्रार कार्यालयले जनाएको हो। कार्यालयले चैत २७ मा केन्द्रीय क्याम्पस सहित आंगिक क्याम्पसहरुमा निर्वाचन गर्ने बताएको छ। त्यसैले सबै विभागहरूमा भर्ना हुन बाकी विद्यार्थीहरूलाई १० गतेसम्म भर्ना गराउन विभागहरुलाई आदेश जारी गरेको छ। सुदूरपश्चिम विश्वविद्यालयले स्ववियु निर्वाचन गर्ने विषय विगत १ बर्षदेखी चर्चामा रहेको थियो। तर विभिन्न राजनीति दलहरुका भातृ संगठनहरूबिचको आन्तरिक र वाह्य खिचातानीले निर्वाचनको मिति अन्योलमा परेको थियो।

रुपन्देहीको तिलोत्तमा स्थित निर्माणाधीन एक्स्ट्राटेक ओभल क्रिकेट मैदानमा "फ्लडलाइट्स" जडानको काम सम्पन्न भएको छ। एक्स्ट्राटेक ओभलका निर्देशक विनोद कुँवरले आइतबार सामाजिक सञ्जाल फेसबुक मार्फत पोस्ट सेयर गर्दै फ्लडलाइट् जडानको काम सम्पन्न भएको बताएका हुन्। मैदानमा फ्लडलाइट्स जडानको काम शनिबारदेखी थालिएको थियो। दुई दिनमा ५ वटा फलडलाइट्सका पोलहरु ठड्याउने र त्यसमा लाईफ जडान गर्ने काम सकिएको छ। उनले भोली(सोमबार) देखि लाईट टेस्टिङको काम सुरु हुने बताएका छन्। उनले लेखेका छन्, 'अन्ततः दिन रात नभनि फ्लड लाईट जडानको काम सकिएको छ। हिजो र आज गरी हामीले पाँचवटै फ्लड लाईट जडान गरेकाे जानकारी तपाइँहरुलाई गराउन पाउँदा हामी हर्षित छौं। भोलिदेखि लाईट टेस्टिङको काम…

रोजगार अनुमति प्रणाली (ईपीएस) मार्फत कोरिया जाने श्रमिकहरूले उडानमा ढिलाइ भएको जनाएका छन्। भिसा आइसकेको तर, उडान तालिका नआउँदा आफूहरू मर्कामा परेको सम्बन्धित श्रमिकको भनाइ छ। ईपीएस अन्तर्गत छनोट भएर सबै प्रक्रिया पूरा गरिसकेका तर, पर्याप्त उडान उपलब्ध नहुँदा आफूहरू जान नपाएको बताएका हुन्। एक श्रमिकले उडानमा ढिलाइ हुँदा भिसा रद्ध हुने अवस्था आएको बताए । एक हजार ७०० को सङ्ख्यामा आफूहरू उडान तालिकाको पर्खाइमा रहेको ती श्रमिकको भनाइ छ। ‘नेपाल सरकार र दक्षिण कोरियाली सरकारबिचको सम्झौताअनुसार श्रमिकहरू निश्चित समयसीमाभित्र रोजगारदातासँग आबद्ध हुनुपर्ने हुन्छ। तर, हाल उडान सङ्ख्या अत्यन्त कम हुँदा १७०० भन्दा बढी नेपाली श्रमिकहरू अन्योलमा परेका छौँ,’ ती…