सोनसिक द्वारा चितवन स्थित एक विद्यालयमा गाजाबाट बनेका झोला वितरण

दक्षिण कोरियामा अध्ययनरन नेपाली विद्यार्थीहरूले चितवन स्थित एक विद्यालयका विद्यार्थीहरूलाई गएको सोमबार गाजाबाट बनेका झोला वितरण गरेका छन्। कोरियामा रहेका नेपाली विद्यार्थीहरूको साझा संस्था नेपाली विद्यार्थी समाज दक्षिण कोरिया(सोनसिक) ले चितवनको राप्ती नगरपालिका वडा नं-८ स्थित बहिरा आधारभुत विद्यालयमा अध्ययनरत ७० जना विद्यार्थीहरूलाई सोनसिक (सोनसिक) छात्रवृत्ति कार्यक्रम अन्तर्गत गत १७ गते सहयोग गरेको हो। सोनसिक छात्रवृत्ति कार्यक्रमका लागि सेन्टवी नामक रेमिटान्सले गत मार्च महिनामा नेपालमा पैसा पठाउदा लाग्ने हरेक रेमिट्यान्स सेवा शुल्कबाट ५०० कोरियन वन (लगभग रू ५०) का दरले जम्मा गरेर सहयोग रकम उपलब्ध गराएको थियो । छात्रवृत्ति वितरणका लागि भने नेपाली मिस इन्टरनेसनल सिता सुवेदीले समन्वयकारी भूमिका निर्वाह…

सरकारको तयारी सरकारले कतारसँग हुने विभिन्न विषयका समझदारीपत्रहरू स्वीकृत गर्ने निर्णय गरेको छ। सोमबार मन्त्रिपरिषद्का निर्णय सार्वजनिक गर्दै सरकारका प्रवक्ता रेखा शर्माले नेपाल सरकार र कतार सरकारबीच हुने विभिन्न विषयका समझदारीपत्रहरू स्वीकृत गर्ने र समकक्षी मिलाई हस्ताक्षर गर्न स्वीकृत दिने निर्णय भएको जानकारी दिइन्। त्यस्तै बैठकले कोशी प्रदेशमा पदमार्गमा आधारित पर्यटन बिकास परियोजना कार्यान्वयनका लागि स्विस सरकारबाट प्राप्त हुने ९० लाख १० हजार स्विस फ्रैंक बराबरको अनुदान सहायता स्वीकार गर्ने निर्णय गरेको छ भने कोरिया अन्तर्राष्ट्रिय सहयोग निकायबाट पोखरा महानगरमा हुने हरित परियोजनाका लागि प्राप्त हुने अमेरिकी डलर ९ दशमलव  ८ मिलियन अनुदान सहायता स्वीकार गर्ने निर्णय भएको प्रवक्ता शर्माले बताइन्। बैठकले विपदबाट…

दक्षिण कोरियामा २५६८औं बुद्ध जयन्तीको अवसरमा आगामी मे ११ तारिख(बैशाख २९) मा 'लोटस लालटेन परेड' नामक कार्यक्रमको आयोजना हुने भएको छ। गत शुक्रबार नेपाली राजदूतावास दक्षिण कोरिया 'सिओल"ले विज्ञप्ति जारी गर्दै बुद्ध जयन्तीमाको अवसर पारी नेपाल बौद्ध परिवारको सँगको संयुक्त आयोजनामा कार्यक्रमको तयारी अगाडि बढेको जनाएको हो। विगत १,२०० बर्षदेखि बुद्ध जयन्तीमा कोरियामा हुँदै आएको परेडमा नेपाल बौद्ध परिवारको आयोजनामा नेपालीहरुको समेत सहभागिता रहदै आएको छ। यसबर्ष बैशाख २९ गते शनिबार दोङगुक विश्वविद्यालय स्थित 'ग्रान्ड प्लेग्राउण्ड' मा ३ बजेर ४५ मिनेट अगावै कार्यक्रम आयोजना हुने भएको छ। कार्यक्रमले बुद्ध तथा लुम्बिनीको प्रचारमा थप टेवा पुग्ने जनाएको छ। यस बर्ष नेपाल-कोरियाको…

ओमानमा आजदेखि सुरू हुन लागेको एसिसी प्रिमियर कममा नेपालले आज मलेसियासँग खेल्दैछ। प्रतियोगिताको समूह ‘ए’मा रहेको नेपालले पहिलो खेल मलेसियासँग खेल्न लागेको हो। ओमानको अल अमिरत क्रिकेट ग्राउन्डमा नेपाली समयअनुसार अपराह्न सवा ४ बजेदेखि खेल सुरू हुनेछ। प्रतियोगितको नेपाल साविक विजेता हो। प्रतियोगितामा १० टिम सहभागी छन्। समूह ‘ए’ मा रहेको नेपालसँगै समूहमा मलेसिया, कतार, हङकङ र साउदी अरेबिया छन्। टी-२० फर्म्याटमा हुने कपको आयोजक ओमान समूह ‘बी’ मा छ। समूहमा ओमानसहित युएई, कुवेत, बहराइन र कम्बोडिया छन्। नेपालले दोस्रो खेल कतारसँग वैशाख १ गते, तेस्रो खेल हङकङसँग वैशाख  ३ गते र चौथो खेल साउदी अरेबियासँग वैशाख ५ गते खेल्नेछ।…

जनक शिक्षा सामग्री केन्द्र लिमिटेड प्रादेशिक कार्यालय धनगढीले हालसम्म सुदूरपश्चिममा १५ लाख ११ हजार थान पाठ्यपुस्तक बिक्री वितरण गरेको जनाएको छ। नयाँ शैक्षिकसत्र २०८१ का लागि प्रदेशका नौ वटै जिल्लामा स्थानीय पुस्तक बिक्रेतामार्फत केन्द्रले पुस्तक बिक्रीवितरण गरेको हो। उक्त पुस्तक बिक्रीवितरणबाट १८ करोड बराबरको कारोबार गरिएको जनक शिक्षा सामग्री केन्द्र लिमिटेड प्रादेशिक कार्यालय धनगढीका प्रमुख रामबहादुर कुँवरले जानकारी दिए। उनका अनुसार केन्द्रले आगामी शैक्षिकसत्र २०८१ का लागि प्रदेशभरि १९ लाख १५ हजार एक सय ८५ थान पाठ्यपुस्तक बिक्रीवितरण गर्ने लक्ष्य लिएको छ। प्रदेशका सबै जिल्लामा पाठ्यपुस्तक पुगिसकेको कार्यालय प्रमुख कुँवरले बताए। ‘सात पहाडी जिल्लाका सबै ठाउँमा पाठ्यपुस्तक पुगिसकेको छ। केही…

दक्षिण कोरियामा बुधबार सम्पन्न आमनिर्वाचनमा प्रमुख विपक्षी दल डेमोक्रेटिक पार्टी (डिपीके) ले राष्ट्रपति युन सुक योलको पार्टी पिपुल पावर पार्टी (पिपिपी) लाई पछि पार्दै बहुमत प्राप्त गरेको छ। निर्वाचनमा प्रत्यक्ष तर्फका दुई सय ५४ सिटमध्ये डिपीकेले एक सय ६१ सिटमा जित हासिल गरेको छ भने भने सत्तारुढ पिपिपीले ९० सिट मात्र जित्न सफल भएको छ । समानुपातिक समेतका सिटहरू गर्दा विपक्षी डिपीकेले राष्ट्रियसभामा एक सय ७५ सिट जितेको छ। यसैगरी पिपिपी लगायतका गठबन्धन पार्टीले १०८ सिट प्राप्त गरेको छ। दक्षिण कोरियामा कुल चार करोड ८२ लाख मतदातामध्ये ६७  प्रतिशतले मतदान गरेको त्यहाँको निर्वाचन आयोगले जनाएको छ। आयोगका अनुसार विगत ३२ वर्षयताकै…

भारोत्तोलन खेलाडी सागर भण्डारीले तीन नयाँ राष्ट्रिय कीर्तिमान बनाएका छन्। उनले आफ्नै कीर्तिमानमा सुधार गर्दै १०९ केजीमाथि तौल समूहमा नयाँ कीर्तिमान बनाएका हुन्। कंचनपुर स्थायी घर भएका उनले थाइल्यान्डमा भएको आइडब्लूएफ विश्वकप २०२४ स्नाचमा १३४ केजी, क्लिन एन्ड जर्कमा १७२ केजी र कुलमा ३०६ केजी भार उचाल्दै तीन वटा नयाँ कीर्तिमान बनाएको राष्ट्रिय खेलकुद परिषदले जनाएको छ। यसअघि उनले गत असोजमा चीनमा भएको एसियाली खेलकुदमा स्नाचमा १३३ केजी उचालेका थिए। यस्तै उज्वेकिस्तानमा भएको एसियन च्याम्पियनसिपमा १७१ केजी उचालेका थिए। समग्रमा उनले यसअघि ३०३ केजी उचालेकोमा अहिले ३०६ केजी उचालेर नयाँ कीर्तिमान बनाए।  कुलमा ३ सय केजी माथि उचाल्ने सागर एक्ला नेपाली…

एक महिनाको उपवास (रोजा)पछि मुस्लिम धर्मावलम्बीहरूले आज नेपालगञ्जमा हर्षोल्लासका साथ ईदपर्व मनाइरहेका छन् । बुधबार (हिजो) राति चन्द्रमा देखिएपछि आज नेपालगञ्जको वीपीचोकस्थित ईदगाहमा बिहान मुस्लिम समुदायले सामूहिक नमाज पढेका छन् । नमाजमा सयौँ मुस्लिम समुदायको सहभागिता थियो । मुस्लिम धर्मावलम्बीले देशमा दिगो शान्ति, समृद्धि र सद्भावको कामना गर्दै प्रार्थना गरेका धर्मगुरु मौलाना अब्दुल जब्बार मञ्जरीले बताए । ईदको शुभकामना आदानप्रदान गर्न ईदगाहमा ठूलो सङ्ख्यामा अन्य समुदायका राजनीतिक दलका प्रतिनिधि, व्यवसायी, सङ्घसंस्था सम्बन्धित व्यक्तिहरूको उपस्थिति थियो । बिहानैदेखि ईदगाहमा सयौँ व्यक्तिहरूले एकापसमा अँगालो मारेर ईदको शुभकामना आदानप्रदान गरिरहेका छन् । इस्लाम धर्मावलम्बीको ठूलो चाड ईदुल फित्र मुस्लिम समुदायले हर्षोल्लासका साथ मनाइरहेका…

कञ्चनपुर : साउदी अरेबियामा सञ्चालन हुन प्रथम लाल बहादुर महत स्मृति गोल्डकप फुटबल प्रतियोगितामा २२ टिमको सहभागिता रहेको छ। सोमबार एक सूचना सार्वजनिक गर्दै प्रतियोगितामा सहभागी हुने टिमहरु का लागि टिम दर्ता कार्यक्रम बन्द गरिएको प्रतियोगिता संयोजक पदम बहादुर महतको हस्ताक्षर सूचना सार्वजनिक गरिएको हो। उक्त सूचनामा टिम दर्ता बन्द गरिएको जानकारी गराइएको छ। ‘मुस्लिम धर्मालम्बीहरुको महान चाड ईद अल फितरको सु-अवसरमा प्रथम लाल बहादुर महत स्मृति गोल्डकप -२०२४’ यहि १० र ११ अप्रिल २०२४ का दिन हुने फुटबल प्रतियोगीताको टिम दर्ता बन्द गरिएको जानकारी गर्दछौ। यस प्रतियोगीतामा भाग लिन दर्ता भएका टिमहरुको नामावली यसप्रकार रहेको छ। भनेर लेखिएको छ।…

दक्षिण कोरियामा सक्रिय नेपालीद्वारा सञ्चालित सुदूरपश्चिम समाज दक्षिण कोरियाले विद्युतीय कारोबारमा हुने ठगी रोकथाम बारे सचेतता गराउन सनिवार अन्तरक्रिया कार्यक्रमको आयोजना गर्ने भएको छ। बुधबार सुदुरपश्चिम् समाज कोरियाले सूचना जारी गर्दै विद्युतीय कारोबार अन्तर्गत बित्तीय तथा बैंकिङ ठगी रोकथाम सम्बन्धि सचेतताका लागि अन्तरक्रिया कार्यक्रमको आयोजना गर्न लागेको जनाएको हो। समाजले आउँदो अप्रिल ६ मा साँझ ७ बजे भर्चुअल माध्यम 'जुम' बाट कार्यक्रमको आयोजना गर्दैछ। कार्यक्रममा अन्तरक्रियाका लागि ग्लोबल आईयामई बैंक कोरिया शाखाका प्रमुख ईश्वर धामीलाई निमन्त्रणा गरिएको आयोजकले जनाएको छ। कार्यक्रममा बैंकिङ कसुर तथा सजाय र सुरक्षित बैंकिङ तथा रेमिट्यान्स सम्बन्धित लगायत अन्य विद्युतीय कारोबार सम्बन्धि विविध पक्षमा अन्तरक्रिया हुने…